Brauðbollur

Klassískar brauðbollur sem öllum þykja góðar. Móta má deigið í mismunandi form t.d. bollur, kringlur eða fléttubrauð.

HRÁEFNI

1½ dl volgt vatn

1msk. olía

2 tsk. þurrger

1tsk. sykur

½ tsk. salt

2 dl hveiti

1dl heilhveiti

1msk. fræ t.d. graskers- eða birkifræ

ÁHÖLD

Þeytari

Mæliskeiðar

Desilítramál

Hnífur og skurðarbretti

Byrjið á að

stilla ofninn á 200°C og blástur.

Mælið öll hráefnin í skál og hrærið vel.

Hnoðið

deigið vel saman á borðinu og notið hveiti eftir þörfum. Deigið á að vera klístrað en ekki of blautt. Gefið ykkur góðan tíma í að hnoða.

Mótið

deigið í jafnstórar bollur en ekki taka of langan tíma í það því deigið þarf að hafa tíma til að lyfta sér.

Raðið

bollunum á plötu með bökunarpappír og hafið hæfilegt bil á milli.

Penslið bollurnar með mjólk eða eggi og stráið fræum yfir (má sleppa).

Leyfið

bollunum að lyfta sér í 10─20 mínútur á volgum stað.

Þegar þær eru búnar að lyfta sér eru þær settar inn í miðjan bakaraofn.

Bakið

bollurnar í 10─12 mínútur eða þar til þær eru orðnar gylltar að lit.

Berið fram volgar bollur með smjör, osti eða öðru áleggi sem ykkur þykir gott.