DÖÐLUKAKA MEÐ KARAMELLU
Einstaklega góð en einföld kaka. Döðlukakan er borin fram með rjóma eða ís og hentar bæði með kaffinu og sem eftirréttur.
HRÁEFNI
250 g döðlur
1 tsk. matarsódi
120 g smjör við stofuhita
5 msk. hrásykur
2 egg
180 g hveiti
½ tsk. salt
½ tsk. vanilludropar
1½ msk. lyftiduft
100 g súkkulaðispænir
ÁHÖLD
Smelluform
Vog
Mæliskeiðar
Pottur
Hrærivél - þeytari
Sleikja
Byrjið á að
hita ofninn í 180°C og smyrjið 25 cm hringlaga smelluform. Setjið döðlur í pott og hellið vatni í þangað til það flýtur yfir. Takið pottinn af hellunni þegar byrjar að sjóða og látið standa í nokkrar mín.
Blandið matarsóda við döðlurnar og hrærið vel en þá freyðir.
Leyfið blöndunni að kólna.
Smjör og sykur
hrært saman þar til létt og ljóst.
Eggjum bætt við eitt í einu og þeytið vel á milli.
Þá er þurrefnum og vanillludropum bætt við og að lokum döðlumauki.
Þegar deigið
hefur samlagast vel er súkkulaðispæni bætt út í volgt deigið.
Hrærið vel svo það bráðni og samlagist vel.
Hellið deiginu í smurt smellu-form og bakið í miðjum ofni við 180°C í 35 – 40 mínútur.
Ekki baka kökuna of mikið svo hún verði ekki þurr.
HRÁEFNI Í KARAMELLU
120 g púðursykur
120 g smjör við stofuhita
1 1/2 dl rjómi
1/2 tsk. vanilludropar
ÁHÖLD
Vog
Mæliskeiðar
Desilítramál
Pottur
Trésleif
Byrjið á að
setja öll hráefni í pott. Hrærið rólega þangað til suðan kemur upp.
Látið karamelluna sjóða í 3 - 4 mín.
Passið að brenna ykkur ekki því karamellan verður mjög heit.
Karamellunni
er hellt yfir kökuna eftir að hafa kólnað örlítið.
Kökuna má baka í ýmsum gerðum af formum jafnvel muffinsformum.
Njótið
helst með rjóma eða ís.
Verði ykkur að góðu.